የዳሰሳ ጥናት ግኝቶች አጭር ሪፖርት

Abstract

የደም ማነስ በአለም ዙሪያ የሚታወቅ የህብረተሰብ የጤና ችግር ሲሆን ሁለት ቢሊዩን ህዝብ ተጠቂ ናቸው[1] ፡፡ በአለማችን 41.8% ነፍሰጡር እናቶችና 30.2% ነፍስጡር ያልሆኑ እናቶች የደም ማነስ አለባቸው[1, 2]፡፡ ምንም እንኳን የተለያዩ የደም ማነስ በሽታ መንስኤዎች ቢኖሩም ከግማሽ በላይ የሚሆነው ግን በአይረን ንጥረ ነገር እጥረት ከሚከስት የደም ማነስ ጋር የተያያዘ ነው[2] ፡፡ የእናቶች የደም ማነስ የሚያስከትላቸውን ጉዳቶች በበርካታ ጥናቶች ዉስጥ ተገልፆአል [3]፡፡ እንደ አለም የጤና ድርጅት መረጃ 12.8% በእስያ እና 3.7% የሚሆነዉበአፍሪካ አህጉር የእናቶች ሞት በቀጥታ ከደም ማነስ ጋር ይያያዛል [4]፡፡ ከዚህ ባሻገር የአይረን ንጥረ ነገር እጥረት 22% ለሚሆን የእናቶች ሞት በአለም አቀፍ ደረጃ መሰረታዊ ምክንያት ነው [5]:: የብዙ ጥናቶች የተጨመቀ ውጤት እንደሚያሳየው በእያንዳንዱ አንድ ግራም በዲሲ ሊትር የሄሞግሉቢን መጠን መጨመር የእናቶች ሞትን 20% ይቀንሳል[5]፡፡በእርግዝና ወቅት የሚከሰት የእናቶች የደም ማነስ ያለጊዜው እና ከተገቢው ክብደት በታች የሆነ ልጅ ለመውለድ እንደሚያጋልጥ ይታወቃል [3, 6] ፡፡